‘AHO HONO UA
"Ko tui ……., ne langa ‘a e ‘univeesi´, ‘e he Folofola ‘a e ‘Otua´……"
Senesi 1:6-8
"6Pea folofola ‘a e ‘Otua, Ke ai ha ‘atā ‘i he vaha‘a ‘o e ngaahi vai, mo vahe‘i ‘a e ngaahi vai mei he ngaahi vai. 7Pea na‘e ngaohi ‘e he ‘Otua ‘a e ‘atā, pea na‘a ne vahe‘i ai ‘a e ngaahi vai na‘e ‘i he lalo ‘atā mei he ngaahi vai na‘e mei ‘olunga ‘i he ‘atā: pea na‘e hoko ia. 8Pea na‘e fakahingoa ‘e he ‘Otua ‘a e ‘atā ko e Langi. Pea na‘e efiafi, pea na‘e pongipongi; ko hono ‘aho ua ia"
‘I he ‘aho hono 2´, na‘e to e folofola ‘a e ‘Otua´ ke ‘i ai ha ‘ataa ke ne vahe‘i ‘a e ngaahi vai´, ‘a e vai ‘i māmani´ pea mo e mgaahi vai ‘i ‘olunga ‘i he ngaahi ‘ao´. Na‘a Ne fakahingoa leva ‘a e ‘ataa´ ko e langi. “Pea folofola ʻa e ʻOtua´, Ke ai ha ʻatā ʻi he vahaʻa ʻo e ngaahi vai´, mo vaheʻi ʻa e ngaahi vai´ mei he ngaahi vai. Pea naʻe ngaohi ʻe he ʻOtua´ ʻa e ʻatā´, pea naʻa Ne vaheʻi ai ʻa e ngaahi vai naʻe ʻi he lalo ʻatā´ mei he ngaahi vai naʻe mei ʻolunga ʻi he ʻatā´: pea naʻe hoko ia. Pea naʻe fakahingoa ʻe he ʻOtua´ ʻa e ʻatā ko e Langi.....” ‘I hono ‘aho 2´, na‘e vai ‘atā ‘a e funga māmani´, pea ‘i ai mo e ngaahi ‘ao, pehē foki ki he ‘atā´, ‘a e langi´. Ko
hotau ‘Otua´ ko e ‘Otua haohaoa, pea na‘e pehē pē ki He‘ene fakatupu´. Na‘a Ne fokotu‘utu‘u mo ngaohi ha māmani lelei mo faka‘ofo‘ofa ke nofo ai ‘a e kalauni ‘o ‘Ene fakatupu´, ‘a e tangata´.
Lotu: ‘E ‘Otua, ‘oku ou fakamālō atu he haohaoa mo faka’ofo’ofa Ho’o teuteu’i ‘a e māmani´ ke nofo ai ‘a kimautolu fa’ahinga ‘o e tangata´, ka ko e kalauni Ho’o me’a fakatupu´. ‘I Ho Huafa´ Sīsū, ‘Emeni.
No comments:
Post a Comment