FAKALELEI ‘A SEKOPE MO ‘ISOA
Veesi Lauloto: Kaletia 6:7
"Oua na’a tuku ke fakahala’i kimoutolu: tala’ehai´ ‘oku ala pā’usi’i ‘a e ‘Otua´; he ‘ilonga pē me’a ‘oku tō ‘e ha tangata, ko ia ia te ne utu´ foki."
Semisi 31:3-7, 17-18
"3Pea na‘e folofola ‘a Sihova kia Sēkope, ‘o ne pehē, Foki ki he fonua ‘o ‘ao ngaahi tamai, pea ki ho tupu‘anga; pea te u ‘iate koe. 4Pea fekau atu ‘e Sēkope ke tala kia Lesieli mo Lia ke na ‘alu ange ki ‘uta ki he‘ene fanga manu; 5pea ne pehē kiate kinaua, ‘Oku ou vakai ‘e au ‘a e fofonga ‘o ho‘omou tamai, ‘oku ‘ikai lelei kiate au, ‘o hangē ko e taimi mu‘a: ka kuo ‘iate au ‘a e ‘Otua ‘o ‘eku tamai. 6Pea ko kimoua ‘oku mo ‘ilo kuo u fai tūkuingata ‘eku ngāue ki ho‘omou ‘eiki. 7Pea kuo kākaa‘i au ‘e ho‘omo tamai, pea kuo ne fakakehe ‘eku totongi ‘o tu‘o hongofulu; ka na‘e ‘ikai tuku ‘e he ‘Otua ke lava ha‘ane kovi kiate au.
17Pea tu‘u ‘a Sēkope, ‘o ne fakaheka ‘ene fānau mo hono ngaahi uaifi ki he fanga kāmeli: 18pea ne taki atu ‘ene fanga manu kotoa pē, ‘io, ‘a e koloa kotoa pē kuo ne ma‘u, ‘ene fanga manu ngāue‘i, ‘a ia kuo ne ma‘u ‘i Mesopotēmia, ko ‘ene ‘alu ki he‘ene tamai ko ‘Aisake ki he fonua ko Kēnani. 19Ka kuo ‘alu ‘a Lēpani ke kosi ‘ene fanga sipi: pea kaiha‘asi ‘e Lesieli ‘a e ngaahi telāfimi na‘e ‘a ‘ene tamai."
Pea naʻe folofola ʻa Sihova kia Sekope, ―Foki ki he fonua ho‘o ngahi tamai´, pea ki ho tupuʻanga´; pea te U ʻiate koe. Ne lea leva ʻa Sekope kia Lesieli mo Lia, ―ʻOku ou vakai ki he fofonga hoʻomou tamai´ ʻoku ʻikai lelei kiate au, ʻo hangē ko e taimi muʻa´: ka kuo ʻiate au ʻa e ʻOtua ʻo ‘eku tamai´. Pea ʻoku mo ʻilo pē ‘eku fai tūkuingata ki hoʻomou ʻeiki´. Pea kuo kākāʻi au hoʻomou tamai´ heʻeku totongi´ ʻo tuʻo hongofulu, ka naʻe ʻikai tuku he ʻOtua´ ke lava haʻane kovi kiate au. Ko ia kuo tu‘utu‘uni mai ‘e Sihova ke u foki ki hoku fonua´, pea na‘e loto lelei ki ai ‘a e ongo uaifi´. Na‘e tuʻu leva ʻa Sekope, ʻo ne fakaheka ʻene fānau´ mo hono ngaahi uaifi´ ki he fanga kāmeli´, pea ne taki atu ʻene fanga manu´ kotoa pē na‘a ne ngāueʻi , ʻio, ʻa e koloa kotoa pē kuo ne maʻu´.
Pea fekau atu ʻe Sekope ha kau talafekau ke fakamelomelo kiate ia ki hono tokoua ko ‘Isoa´, he tukuʻuta ʻo ‘Itomi´. Na‘a ne kei ongo‘i manavahē ʻaupito mo faingataaʻia, pe kuo ‘osi koā e ‘ita hono ta‘okete´ mei ai pe ‘ikai. Naʻe foki mai ʻa e kau talafekau´ kia Sekope, ʻo nau pehē, ―Ko ho tokoua ko ‘Isoa´, ʻoku ne haʻu foki ke fakafetaulaki kiate koe, pea ʻoku ne haʻu mo ia ha kau tangata ʻe toko fangeau.
Kaekehe ne a‘u atu ‘enau fononga´ ki he ve‘e Vaitafe Siapoki´, pea na‘e fefa‘uhi ai ‘a Sēkope mo ha tangata he pō ko ia´ ‘o ‘aho, ‘o toki mahino ki ai ko e ‘angelo. Pea talaange ki ai he ‘angelo´, ―ʻE ʻikai to e ui ho hingoa´ ko Sēkope, ka ko ‘Isileli (Ko Fai mo e ʻOtua): he kuo ke fai mo e ʻOtua´ mo e kakai, pea kuo ke lava. Pea naʻe fakahingoa ʻe Sekope ʻa e potu ko ia´ ko Penieli (ko Fofonga ʻo e ʻOtua): heʻene pehē, He kuo u sio ki he ʻOtua´, ʻo ma mātuʻaki femātaaki, ka kuo fakahaofi ʻeku moʻui´.
Pea hanga hake ʻa Sekope, tā ko ‘Isoa ʻena ʻoku haʻu´, pea ne laka atu he lotolotonga ‘o ‘ene fānau´ mo hono ongo uaifi´, ʻo ne toutou tulolo ki he kelekele´ ʻo tuʻo fitu ke fakaofiofi atu ki hono tokoua´. Ka ka lele mai ʻa ‘Isoa ke fakafetaulaki kiate ia, ʻo ne fāʻofua ki ai, ʻo tāupe ʻi hono kia´, ʻo ne ʻuma kiate ia pea na fetāngihi lahi. Kuo tali lotu ‘a e ‘Otua´ ma‘a ‘Ene tamaio‘eiki ko Sēkope´, ‘o fakalelei e loto hono ta‘okete´.
17Pea tu‘u ‘a Sēkope, ‘o ne fakaheka ‘ene fānau mo hono ngaahi uaifi ki he fanga kāmeli: 18pea ne taki atu ‘ene fanga manu kotoa pē, ‘io, ‘a e koloa kotoa pē kuo ne ma‘u, ‘ene fanga manu ngāue‘i, ‘a ia kuo ne ma‘u ‘i Mesopotēmia, ko ‘ene ‘alu ki he‘ene tamai ko ‘Aisake ki he fonua ko Kēnani. 19Ka kuo ‘alu ‘a Lēpani ke kosi ‘ene fanga sipi: pea kaiha‘asi ‘e Lesieli ‘a e ngaahi telāfimi na‘e ‘a ‘ene tamai."
Pea naʻe folofola ʻa Sihova kia Sekope, ―Foki ki he fonua ho‘o ngahi tamai´, pea ki ho tupuʻanga´; pea te U ʻiate koe. Ne lea leva ʻa Sekope kia Lesieli mo Lia, ―ʻOku ou vakai ki he fofonga hoʻomou tamai´ ʻoku ʻikai lelei kiate au, ʻo hangē ko e taimi muʻa´: ka kuo ʻiate au ʻa e ʻOtua ʻo ‘eku tamai´. Pea ʻoku mo ʻilo pē ‘eku fai tūkuingata ki hoʻomou ʻeiki´. Pea kuo kākāʻi au hoʻomou tamai´ heʻeku totongi´ ʻo tuʻo hongofulu, ka naʻe ʻikai tuku he ʻOtua´ ke lava haʻane kovi kiate au. Ko ia kuo tu‘utu‘uni mai ‘e Sihova ke u foki ki hoku fonua´, pea na‘e loto lelei ki ai ‘a e ongo uaifi´. Na‘e tuʻu leva ʻa Sekope, ʻo ne fakaheka ʻene fānau´ mo hono ngaahi uaifi´ ki he fanga kāmeli´, pea ne taki atu ʻene fanga manu´ kotoa pē na‘a ne ngāueʻi , ʻio, ʻa e koloa kotoa pē kuo ne maʻu´.
Pea fekau atu ʻe Sekope ha kau talafekau ke fakamelomelo kiate ia ki hono tokoua ko ‘Isoa´, he tukuʻuta ʻo ‘Itomi´. Na‘a ne kei ongo‘i manavahē ʻaupito mo faingataaʻia, pe kuo ‘osi koā e ‘ita hono ta‘okete´ mei ai pe ‘ikai. Naʻe foki mai ʻa e kau talafekau´ kia Sekope, ʻo nau pehē, ―Ko ho tokoua ko ‘Isoa´, ʻoku ne haʻu foki ke fakafetaulaki kiate koe, pea ʻoku ne haʻu mo ia ha kau tangata ʻe toko fangeau.
Kaekehe ne a‘u atu ‘enau fononga´ ki he ve‘e Vaitafe Siapoki´, pea na‘e fefa‘uhi ai ‘a Sēkope mo ha tangata he pō ko ia´ ‘o ‘aho, ‘o toki mahino ki ai ko e ‘angelo. Pea talaange ki ai he ‘angelo´, ―ʻE ʻikai to e ui ho hingoa´ ko Sēkope, ka ko ‘Isileli (Ko Fai mo e ʻOtua): he kuo ke fai mo e ʻOtua´ mo e kakai, pea kuo ke lava. Pea naʻe fakahingoa ʻe Sekope ʻa e potu ko ia´ ko Penieli (ko Fofonga ʻo e ʻOtua): heʻene pehē, He kuo u sio ki he ʻOtua´, ʻo ma mātuʻaki femātaaki, ka kuo fakahaofi ʻeku moʻui´.
Pea hanga hake ʻa Sekope, tā ko ‘Isoa ʻena ʻoku haʻu´, pea ne laka atu he lotolotonga ‘o ‘ene fānau´ mo hono ongo uaifi´, ʻo ne toutou tulolo ki he kelekele´ ʻo tuʻo fitu ke fakaofiofi atu ki hono tokoua´. Ka ka lele mai ʻa ‘Isoa ke fakafetaulaki kiate ia, ʻo ne fāʻofua ki ai, ʻo tāupe ʻi hono kia´, ʻo ne ʻuma kiate ia pea na fetāngihi lahi. Kuo tali lotu ‘a e ‘Otua´ ma‘a ‘Ene tamaio‘eiki ko Sēkope´, ‘o fakalelei e loto hono ta‘okete´.
Lotu: Lotu 'o kole ki he ‘Otua´ ke Ne tokoni atu ke ke nofo fe’ofo’ofani mo e kakai kehe´, ‘o kamata pē ‘i ho kāinga toto´, pehē ‘i he siasi´, mo e kakai kotoa pē.
No comments:
Post a Comment