TOKONI'I 'E HE 'OTUA
Veesi Lauloto: Matiu 5:44
"Mou ‘ofa’i homou ngaahi fili´, pea hūfia ‘a kinautolu ‘oku nau fakatanga’i kimoutolu´."
Senesi 39:1-5
"1KO ia na‘e ‘ohifo ‘a Siosifa ki ‘Isipite; pea ko Pōtifa ko e tangata ‘Isipite, ko ha ‘ōfisa ‘o Felo, ko e kapiteni ‘o e Kā‘ate, na‘a ne fakatau ia mei he kau ‘Isime‘eli kuo nau ‘ohifo ia. 2Pea na‘e kau ‘a Sihova mo Siosifa, pea ko e tangata fai tāpuekina ia; pea na‘a ne taka ‘i he fale ‘o hono ‘eiki ko e ‘Isipite. 3Pea na‘e vakai ‘e hono ‘eiki ‘oku kau ‘a Sihova mo e tangata ni, pea ‘ilonga ha me‘a na‘a ne ala ki ai na‘e tāpuaki‘i ‘e Sihova hono fai. 4Ko ia na‘e ‘ofeina ‘a Siosifa ‘e he tangata ni, ‘o ne nofo mai kōno tauhi: pea na‘a ne fakanofo ia ke pule ki hono fale, pea na‘a ne tuku ke ne fa‘iteliha ki he‘ene ngaahi me‘a kotoa. 5Pea hili ‘ene fakanofo ia ke pule ki hono fale mo e me‘a kotoa pē na‘a ne ma‘u, ‘io, mei he taimi ko ia na‘e tāpuaki‘i ‘e Sihova ‘a e fale ‘o e tangata ‘Isipite ko ia, koe‘uhi ko Siosifa; na‘e tō ‘a e tāpuaki ‘a Sihova ki he‘ene me‘a kotoa pē, ‘i fale mo tu‘a."
Naʻe kau ʻa Sihova mo Siosifa, ‘o Ne fu‘u tāpuekina Ia, neongo ‘a e ngaahi kovi kuo fai kiate ia´. Na‘e fakatokanga‘I pē ‘e Pōtifa ‘a e kau ‘a Sihova mo Siosifa´, he ko e me‘a kotoa pē na‘a ne ala ke fai, naʻe tāpuakiʻi ia ʻe Sihova. Ko ia naʻa ne ʻofeina ʻa Siosifa, pea naʻa ne fakanofo ia ke pule ki hono fale´, pea naʻa ne tuku ke ne faʻiteliha ki heʻene ngaahi meʻa kotoa pē. Pea hili ʻene fakanofo ia ke pule ki hono fale´ mo e meʻa kotoa pē naʻa ne maʻu´, na‘e kamata mei ai hono tāpuakiʻi ʻe Sihova ʻa e fale ʻo Pōtifa´ ʻi fale mo tuʻa, koeʻuhi´ ko Siosifa. Manatu‘i ma‘u pē fānau, ko e fānau ‘a e ‘Otua´ ‘oku fononga holo ma‘u pē mo e ‘Otua´, ke tauhi, tataki mo fakaai ‘enau ngaahi fiema‘u´. ‘Ouae hoha‘a ‘oka fai kovi atu ha taha, ‘e malu‘i koe ‘a Sihova.
Naʻe kau ʻa Sihova mo Siosifa, ‘o Ne fu‘u tāpuekina Ia, neongo ‘a e ngaahi kovi kuo fai kiate ia´. Na‘e fakatokanga‘I pē ‘e Pōtifa ‘a e kau ‘a Sihova mo Siosifa´, he ko e me‘a kotoa pē na‘a ne ala ke fai, naʻe tāpuakiʻi ia ʻe Sihova. Ko ia naʻa ne ʻofeina ʻa Siosifa, pea naʻa ne fakanofo ia ke pule ki hono fale´, pea naʻa ne tuku ke ne faʻiteliha ki heʻene ngaahi meʻa kotoa pē. Pea hili ʻene fakanofo ia ke pule ki hono fale´ mo e meʻa kotoa pē naʻa ne maʻu´, na‘e kamata mei ai hono tāpuakiʻi ʻe Sihova ʻa e fale ʻo Pōtifa´ ʻi fale mo tuʻa, koeʻuhi´ ko Siosifa. Manatu‘i ma‘u pē fānau, ko e fānau ‘a e ‘Otua´ ‘oku fononga holo ma‘u pē mo e ‘Otua´, ke tauhi, tataki mo fakaai ‘enau ngaahi fiema‘u´. ‘Ouae hoha‘a ‘oka fai kovi atu ha taha, ‘e malu‘i koe ‘a Sihova.
Lotu: Lotu ‘o fakamālō ki he ‘Otua´ koe’uhi´ ko ‘Ene fa’a tokoni ofi he taimi ho’o vaivai´, ho’o faingata’a’ia´, ho’o humu´, ho’o puke´, mo e taimi kotoa pē.
No comments:
Post a Comment