FAKATAUELE ‘A E HOA ‘O POTIFA
Veesi Lauloto: Matiu 5:44
"Mou ‘ofa’i homou ngaahi fili´, pea hūfia ‘a kinautolu ‘oku nau fakatanga’i kimoutolu´."
Senesi 39:6-10
"6Pea na‘a ne tuku ‘ene me‘a kotoa pē kia Siosifa; pea na‘e ‘ikai te ne feongoi mo ia ‘i ha me‘a, ngata pē ‘i he me‘a na‘a ne kai. Pea ko Siosifa ko e tangata toulekeleka mo matamatalelei. 7Pea na‘e faifai pea tokanga kovi kia Siosifa ‘a e uaifi ‘o hono ‘eiki; pea ne pehē ki ai, Ta mohe mu‘a. 8Pea ne fakafisi, ‘o ne pehē ki he uaifi ‘o hono ‘eiki; Vakai, ‘oku ‘ikai ke feongoi mo au ‘a hoku ‘eiki ‘i ha me‘a ‘oku ‘i he fale, pea ko ‘ene me‘a kotoa kuo ne tuku ke u fa‘iteliha ki ai; 9‘oku ‘ikai ha taha ‘i he fale ni ‘oku lahi ‘iate au; pea kuo ‘ikai te ne ta‘ofi meiate au ha momo‘i me‘a ‘e taha, ko koe pē, koe‘uhi ā ko hono uaifi koe: pea fēfē ai ha‘aku fai ‘a e fu‘u angahala lahi ni, ‘o te hia ai ki he ‘Otua? 10Pea neongo na‘a ne toutou lea kia Siosifa ‘i he ‘aho kotoa pē, ka na‘e ‘ikai te ne fai ki hono loto, ke na tākoto, pe ke na fe‘ao."
Na‘e tuku ‘e Pōtifa ʻene meʻa kotoa pē kia Siosifa; pea naʻe ʻikai te ne to e kau he fakalele ‘ene me‘a kotoa, ngata pē ʻi he meʻa naʻa ne kai´. Pea ko Siosifa ko e tangata sino lelei mo matamatalelei. Pea faifai pea tokanga kovi kia Siosifa ʻa e uaifi ʻo Pōtifa´; pea ne feinga ma‘u pē ke fakatauele‘i ‘a Siosifa, ka na‘e ‘ikai tali ia ‘e Siosifa, he na'a ne 'apasia ki he 'Otua´ mo manavahē ke fai angahala. Neongo e toutou feinga e uaifi 'o Pōtifa´, ka na‘e 'ikai pē fai 'e Siosifa ia hono loto´. Fānau, ‘oku ‘ikai ke fiema‘u ia ke tau mā pe manavahē, ‘o ka fakamālohi‘i kitautolu ‘e ha taha ke tau faiangahala. ‘Ikai! Tu‘uma‘u pē ho‘o falala´ ‘au he ‘Otua´, he te Ne tokoni‘i pē koe mo fakahaofi mei he kovi´.
Na‘e tuku ‘e Pōtifa ʻene meʻa kotoa pē kia Siosifa; pea naʻe ʻikai te ne to e kau he fakalele ‘ene me‘a kotoa, ngata pē ʻi he meʻa naʻa ne kai´. Pea ko Siosifa ko e tangata sino lelei mo matamatalelei. Pea faifai pea tokanga kovi kia Siosifa ʻa e uaifi ʻo Pōtifa´; pea ne feinga ma‘u pē ke fakatauele‘i ‘a Siosifa, ka na‘e ‘ikai tali ia ‘e Siosifa, he na'a ne 'apasia ki he 'Otua´ mo manavahē ke fai angahala. Neongo e toutou feinga e uaifi 'o Pōtifa´, ka na‘e 'ikai pē fai 'e Siosifa ia hono loto´. Fānau, ‘oku ‘ikai ke fiema‘u ia ke tau mā pe manavahē, ‘o ka fakamālohi‘i kitautolu ‘e ha taha ke tau faiangahala. ‘Ikai! Tu‘uma‘u pē ho‘o falala´ ‘au he ‘Otua´, he te Ne tokoni‘i pē koe mo fakahaofi mei he kovi´.
Lotu: Lotu ‘o kole ki he ‘Otua´ ke Ne fakafonu ‘aki koe ‘a Hono Laumālie ikuna´ ke ke lava ‘o ‘ikai ki he angahala´, pea taliteke’i ‘aki e mālohi taha´.
No comments:
Post a Comment