TA’U ‘E 7 KEHE - HOKO ATU E NGĀUE KIA LĒPANI
Veesi Lauloto: Kaletia 6:7
"Oua na’a tuku ke fakahala’i kimoutolu: tala’ehai´ ‘oku ala pā’usi’i ‘a e ‘Otua´; he ‘ilonga pē me’a ‘oku tō ‘e ha tangata, ko ia ia te ne utu´ foki."
Semisi 29:27-31
"27Fakakakato ‘a e uike ‘o ‘eni, pea te mau toki ‘atu mo ‘ena foki, koe‘uhi ko e ngāue te ke fai kiate au, ‘o toe ta‘u ‘e fitu atu. 28Pea fai pehē ‘e Sēkope, ‘o ne fakakakato ‘a e uike ‘o e fefine ko ē: pea ne ‘atu kiate ia hono ‘ōfefine ko Lesieli mōno uaifi. 29Pea na‘e foaki ‘e Lēpani ki hono ‘ōfefine ko Lesieli ‘a ‘ene kaunanga ko Pīla‘a ma‘ane kaunanga ‘a‘ana. 30Pea ne ‘alu foki kia Lesieli, pea ne ‘ofa foki kia Lesieli ‘o lahi ‘ia Lia; pea ne ngāue foki kiate ia, ‘o toe fitu ta‘u atu. 31Pea ‘i he ‘afio‘i ‘e Sihova ‘oku fai ha fehi‘a kia Lia, na‘a ne fakafanau ia; ka ka pa‘a pē ‘a Lesieli."
Ko e palani ‘a e ‘Otua´ ki he nofo mali´ ko e mali pē mo e toko taha, ka tau sio ki he kākaa‘i ‘e Sēkope ki mu‘a ‘ene tamai´, ko ‘eni kuo fai atu ki ai ‘e Lēpani. Kuo ne a‘u ki he fa‘ahinga ongo na‘e ‘ia ‘Isoa mo ‘Aisake, he taimi ne na ‘ilo ai ‘ene kākā na‘e fai´. Kuo ‘ikai sai‘ia he totongi tuha´. Kuo mali mo e toko ua, ‘e to e lahi ange ai ‘a e palopolema´; ‘e to e ngāue atu he fo‘i ta‘u ‘e 7 kia Lēpani, mole hono ivi ne mei tokanga‘i ‘aki hono fāmili´…. Kaekehe na‘a ne ʻofa foki kia Lesieli ʻo lahi ange ʻia Lia; ka ʻi he ʻafioʻi ʻe Sihova ʻoku fai ha fehiʻa kia Lia´, naʻa Ne fakafanau ‘e Ia ‘a Lia, ka ka paʻa pe ʻa Lesieli. Ne hū ‘a e meheka´ he vā ‘o e ongo uaifi´, pea na to e takitaha ‘omi mo ‘ena ongo kaunanga´ kia Sēkope ke ma‘u ai ha‘ana fānau. Fakafeta‘i ne tali he ‘Otua´ ‘a e lotu ‘a Lesieli´ ‘o ne toki feitama ai ‘o fā‘ele‘i mai ‘a Siosifa.
Ko e palani ‘a e ‘Otua´ ki he nofo mali´ ko e mali pē mo e toko taha, ka tau sio ki he kākaa‘i ‘e Sēkope ki mu‘a ‘ene tamai´, ko ‘eni kuo fai atu ki ai ‘e Lēpani. Kuo ne a‘u ki he fa‘ahinga ongo na‘e ‘ia ‘Isoa mo ‘Aisake, he taimi ne na ‘ilo ai ‘ene kākā na‘e fai´. Kuo ‘ikai sai‘ia he totongi tuha´. Kuo mali mo e toko ua, ‘e to e lahi ange ai ‘a e palopolema´; ‘e to e ngāue atu he fo‘i ta‘u ‘e 7 kia Lēpani, mole hono ivi ne mei tokanga‘i ‘aki hono fāmili´…. Kaekehe na‘a ne ʻofa foki kia Lesieli ʻo lahi ange ʻia Lia; ka ʻi he ʻafioʻi ʻe Sihova ʻoku fai ha fehiʻa kia Lia´, naʻa Ne fakafanau ‘e Ia ‘a Lia, ka ka paʻa pe ʻa Lesieli. Ne hū ‘a e meheka´ he vā ‘o e ongo uaifi´, pea na to e takitaha ‘omi mo ‘ena ongo kaunanga´ kia Sēkope ke ma‘u ai ha‘ana fānau. Fakafeta‘i ne tali he ‘Otua´ ‘a e lotu ‘a Lesieli´ ‘o ne toki feitama ai ‘o fā‘ele‘i mai ‘a Siosifa.
Lotu: Lotu fakamālō kihe ‘Otua´ koe’uhi´ ko ‘etau ma’ungofua ‘Ene Folofola´ pehē ki he Laumālie Mā’oni’oni´ ke tau ma’u fakahinohino mo akonaki mei ai.
No comments:
Post a Comment