Pulelulu 1 Ma'asi, 2017

NGAUE KI A LEPANI

Veesi Lauloto: Kaletia 6:7

"Oua na’a tuku ke fakahala’i kimoutolu: tala’ehai´ ‘oku ala pā’usi’i ‘a e ‘Otua´; he ‘ilonga pē me’a ‘oku tō ‘e ha tangata, ko ia ia te ne utu´ foki."

Semisi 29:14-20

"14Pea pehē ‘e Lēpani kiate ia, Tā ko hoku hui koe mo hoku kakano. Pea na‘a na nonofo ‘o māhina kātoa. 15Pea pehē ‘e Lēpani kia Sēkope, ‘oku totonu koā ho‘o ngāue ta‘etotongi mai koe‘uhi ko hoku kāinga? tala mai mu‘a pe ko e hā ‘a e totongi ‘e fai atu? 16Pea na‘e ma‘u ‘e Lēpani ha ongo ‘ōfefine ‘e toko ua: ko e hingoa ‘o e lahi ko Lia, pea ko e hingoa ‘o e si‘i ko Lesieli. 17Pea na‘e matakuikui ‘a Lia, ka ko Lesieli na‘e hōihoifua mo matamatalelei. 18Pea na‘e ‘ofa ‘a Sēkope kia Lesieli; pea ne pehē, Te u ngāue kiate koe ‘o ta‘u fitu koe‘uhi ko Lesieli ko ho ‘ōfefine ki mui. 19Pea pehē ‘a Lēpani, ‘Oku lelei mu‘a ‘eku ‘atu ia kiate koe ‘i ha‘aku ‘atu ki ha tangata kehe: nofo mai kiate au. 20Pea na‘e ngāue ‘a Sēkope koe‘uhi ko Lesieli, ‘o fitu ta‘u; pea na‘e hangē kiate ia ko e ngaahi ‘aho si‘i pē, koe‘uhi ko ‘ene ‘ofa kiate ia."

Na‘e nofo pē ‘a Sēkope mo Lēpani, ‘o tokoni he tauhi e fanga sipi ‘a Lēpani´. Pea pehēange ʻe Lepani kia Sekope, ʻOua te ke ngaūe taʻetotongi mai koeʻuhi´ ko hoku kāinga. Talamai muʻa pe ko e hā ʻa e totongi ʻe fai atu´. Pea ne toko ua e ongo ‘ofefine ‘o Lēpani´, ko Lia (matakuikui) mo Lesieli (hoihoifua mo matamatalelei). Pea naʻe ʻofa ʻa Sekope kia Lesieli; pea ne pehē, ―Te u ngaūe kiate koe ʻo taʻu fitu koeʻuhi´ ko Lesieli ko ho ʻofefine ki mui´. Pea pehē ʻa Lepani, ―ʻOku lelei muʻa ʻeku ʻatu ia kiate koe ʻi haʻaku ʻatu ki ha tangata kehe: ‘oku lelei ‘aupito‖. Ko ia naʻe ngaūe leva ʻa Sekope kia Lēpani koeʻuhi´ ko Lesieli, ʻo fitu taʻu. Ne hangē pē ha ngaahi ʻaho siʻi´, ko ʻene ‘ofa ʻia Lesieli´.

Lotu: Lotu ‘o kole ki he ‘Otua´ ke Ne tokoni atu ke ke loto fiefia ke ke fai ha fa’ahinga me’a pē kuo Ne tu’utu’uni ke ke fai, koe’uhi´ ko ho’o ‘ofa kiate Ia.