Monite 31 Siulai, 2017

KAU FILISITIA

Veesi Lauloto: 1 Kolinito 10:31

"Ko ia, pe ko hoʻomou kai, pe ko hoʻomou inu, pe ko hoʻomou fai ha meʻa, mou fai kotoa pē ke ongoongolelei ai ʻa e ʻOtua´."

Fakamaau 13:1

"1PEA toe fai ‘e ha‘a ‘Isileli ‘a e me‘a na‘e tau kovi ki he finangalo ‘o Sihova; pea tuku kinautolu ‘e Sihova ki he nima ‘o e kau Filisitia, ‘o fāngofulu ta‘u."

Na’e toe fai ʻe haʻa ‘Isileli ʻa e meʻa naʻe tau kovi kia Sihova: nau toe sītu’a kinautolu ia meia Sihova ‘o lotu ‘aitoli; ko ia ne houhau ‘a e ‘Otua´ ‘o Ne tuku kinautolu ki he nima 'o e kau Filisitia´ 'o fe’unga mo e ta'u ‘e 40. Na’e fakamamahi’i he kau Filisitia´ ‘a e kau ‘Isileli´ ‘o laui ta’u. Mei he taimi ne fakamaau ai ‘a Samisoni ki ‘Isileli´ ‘o a’u ki he taimi ne tu’i ai ‘a Tevita´, na’e hoko pe ‘a e kau Filifitia´ ko e fili fika ‘uluaki ia ‘o ‘Isileli´. Ko e matakali anga fita’a mo pāte’i tau. Na’a nau ki’i fakalaka ange ‘i ‘Isileli he na’a nau tokolahi ange, pea nau to e pōto’i ange mo mohu founga he tau´. To e fakaonopooni ange ‘enau ‘ilo´, a’u ki he ngaahi founga ki hono ngaohi mo e ngaahi me’atau´. Ka neongo kotoa ia, na’e maumautaimi pe mo ta’e’aonga, he taimi na’e tau ai ‘a Sihova ma’a ‘Isileli´. Fu’u mahino ‘aupito ‘a e ako’i he ‘Otua´ ‘a ‘Isileli´. Ko e fakafefeka pe honau loto´ ki he ‘Otua´, ko e ha’u ia ‘a e tautea´.

Lotu: Lotu ‘o kole ki he ‘Otua´ ke Ne tokoni’i koe k eke manako he nofoma’u ‘iate Ia, ke ‘oua na’a ke to e sītu’a mei he ‘Otua´.

Sapate 30 Siulai, 2017

MO’UI KE FAKALANGILANGI ‘OTUA PE

Veesi Lauloto: 1 Kolinito 10:31

"Ko ia, pe ko hoʻomou kai, pe ko hoʻomou inu, pe ko hoʻomou fai ha meʻa, mou fai kotoa pē ke ongoongolelei ai ʻa e ʻOtua´."

1 Kolinito 10:31

"Ko ia, pe ko hoʻomou kai, pe ko hoʻomou inu, pe ko hoʻomou fai ha meʻa, mou fai kotoa pē ke ongoongolelei ai ʻa e ʻOtua´."

Ko e mo’ui fakalangilangi ‘Otua´ ‘oku ne taki pōpula’i ‘ene tau’atāina´ mo ‘ene mo’ui´ telia na’a ongoongokovi ai Hono ‘Otua´. ‘Oku ne fai ‘a e me’a kotoa pe ‘o fakataumu’a ke ongoongolelei pe mo langilangi’ia ai ‘a e ‘Otua´. Pe ko e kai, pe inu, pe ha meʻa pe, ‘oku ne tokanga ma’upe ke fai ke ongoongolelei ai ʻa e ʻOtua´. Pea mei ai mo ‘ene to e tokanga ki he’ene tō’onga mo’ui´, telia na’a tūkia ha taha ‘i ha’ane lea ta’etokanga pe ngaue pe tō’onga mo’ui. Ko ia ‘oku ne ‘ofa mo’oni mo tui falala ki he ‘Otua´, ‘oku ne mo’ui pe ke fakalangilangi’i ‘a e ‘Otua´ mo tokoni ki he kakai kehe´.

Lotu: Kole ki he ‘Eiki´ ke Ne ako’i koe ke ke poto he mo’ui fakalangilangi ‘Otua, mo e lama ho’o ngaahi tō’onga´, ke ‘oua na’a tukia ho tokoua´.

Tokonaki 29 Siulai, 2017

FAKA’AUHA ‘A E FILI

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:23-25

"23Pea na‘e fakataha mai ‘a e kau ‘Isileli mei Nafitalai mo ‘Āseli, mo Manase kātoa, ke tuli ki he kau, Mitiani. 24Pea kouna atu ‘e Kitione ha kau talafekau ki he fonua mo‘unga kotoa ‘o ‘Ifalemi ke fakahā, Mou ‘alu hifo ‘o hala tutu‘u kia Mitiani, ke puke mu‘a ‘a e ngaahi vai, ‘o a‘u ki Petapala mo Soatani. Ko ia na‘e tānaki mai ‘a e kau ‘Ifalemi kātoa; pea nau hala tutu‘u, ‘o ma‘u ‘a e ngaahi vai ‘o a‘u ki Petapala mo Soatani. 25Pea na‘a nau puke ‘a e ongo ‘eiki Mitiani, ‘a ‘Ōlepi mo Sī‘ipi; pea nau tāmate‘i ‘a ‘Ōlepi, ‘i he Makatu‘u ‘o ‘Ōlepi, pea nau tāmate‘i ‘a Sī‘ipi ‘i he Tata‘o‘anga uaine ‘o Sī‘ipi; pea na‘a nau tuli atu kia Mitiani; pea na‘a nau ‘omi ‘a e ‘ulu ‘o ‘Ōlepi mo Sī‘ipi kia Kitione, ‘a ia na‘a ne ‘i he kauvai ‘o Soatani."

Pea naʻe fakataha mai ʻa e kau ‘Isileli´ mei Nafitalai mo ‘Aseli, mo Manase kātoa, ke tuli ki he kau Mitiani´. Pea fekau atu ʻe Kitione ha kau talafekau ki he fonua moʻunga kotoa ʻo ‘Ifalemi´ ke nau tu’usi hifo ‘o ma’u ‘a e kau Mitiani ne hola´. Pea naʻa nau tuli atu kia Mitiani; pea naʻa nau ʻomi ʻa e ʻulu ʻo ‘Olepi mo Siipi´, ko e ongo taki Mitiani, kia Kitione. Ko e faka’auha kāfakafa na’e fai ‘e ‘Isileli ki Mitiani´.

Lotu: Kole aipe ki he ‘Eiki ke Ne tokoni hono langa aipe ‘etau tui´ mo ‘etau pau’ia kuo ‘osi ma’u hotau Fakamo’ui.

Falaite 28 Siulai, 2017

TU’U PE ‘O MAMATA KAE TAU ‘A SIHOVA MA’AU

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:19-22

"19Pea na‘e a‘u ‘a Kitione mo e toko teau na‘e ‘iate ia ki he ngata‘anga ‘o e ‘apitanga, ‘i he kamata‘anga ‘o e uasi loto, kuo toki fokotu‘u ‘a e kau le‘o; pea na‘a nau ifi talupite, ‘o ha‘aki ‘a e ngaahi sioki na‘a nau to‘o. 20‘Io, ko e tolu‘i vāhenga na‘a nau ifi talupite, mo ha‘aki ‘a e ngaahi sioki, pea na‘a nau puke ‘a e ngaahi tūhulu ‘i honau nima to‘ohema, mo e talupite ‘i honau to‘omata‘u ke ifi; 21pea nau kalanga, Ko e Heletā ‘a Sihova mo Kitione! Pea tu‘u ‘a e tangata takitaha ‘i hono tu‘unga, ‘o takatakai ki he ‘apitanga; pea felelei ‘a e hōsitē kotoa, ka nau kaila pē mo faka‘ohovale‘i. 22‘Io, na‘a nau ifi ‘a e tolungeau‘i talupite, pea na‘e ‘ai ‘e he ‘Eiki ke nau fehokohoka‘i pē kinautolu ‘i he hōsitē kotoa; pea na‘e feholaki pē ‘a e tau kātoa, ‘o a‘u ki Pete-sita ‘i he hala ki Sāleta, ki he ngutuvai ‘o ‘Ēpelimehola, ki Tāpati."

Pea naʻe aʻu ʻa Kitione mo e toko teau naʻe ʻiate ia´ ki he ngataʻanga ʻo e ʻapitanga, pea nau ifi ‘enau talupite takitaha, ʻo haʻaki ʻa e ngaahi sioki naʻa nau toʻo´. pea naʻa nau puke ʻa e ngaahi tuhulu´ ʻi honau nima toʻohema´, mo e talupite ʻi honau toʻomataʻu ke ifi; pea nau kalanga, Ko e Heletā ʻa Sihova´ mo Kitione! Pea tuʻu ʻa e tangata taki taha ʻi hono tuʻunga, ʻo takatakai ki he ʻapitanga´; pea felele’i ʻa e kau Mitiani´, pea naʻe ʻai ʻe he ʻEiki´ ke nau fehokohoka’i pe kinautolu, pea nau toki feholaki, ka na'e fakataha mai 'a 'Isileli kotoa 'o tuli kiate kinautolu 'o tamate'i. Kuo foaki 'e he 'Otua´ ‘a e ikuna´ ma'a 'Isileli, ka na'e 'ikai tu'u 'i ha malohi pe ko ha ivi ha tangata ka ko Hono Laumālie´ pē. Na'e ma'u ivi 'a 'Isileli mei he 'Otua´, pea mahino kiate kinautolu ko e ki’i kau 300 sotia ia ‘a Kitione na’e ‘alu mo ia´, hala ke fai ha fakafalala ia ki ai, ka ko e māfimafi pe ‘o Sihova´ ‘Io, na’a nau tu’u pe ‘o mamata, kae tau ‘a Sihova ma’a kinautolu.

Lotu: Fakamālō ki he ‘Otua´ He’ene ngaahi fokotu’utu’u kotoa pē kuo ke a’u ai ki he tu’unga ‘oku ‘i ai he ‘aho ni´, ‘i ho’o mo’ui lōtolu´.

Tu'apulelulu 27 Siulai, 2017

PAU’IA HE IKUNA

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:15-18

"15Pea ‘i he fanongo ‘e Kitione ki he lau ‘o e misi mo hono faka‘uhinga, na‘a ne fai ‘ene lotu; pea ne foki ki he ‘apitanga ‘o ‘Isileli, ‘o ne pehē, Mou tu‘u, he kuo tuku ‘e Sihova ‘a e tau ‘a Mitiani ki homou nima. 16Pea na‘a ne vahevahe ‘a e toko tolungeau ko e vāhenga ‘e tolu, pea na‘a ne tuku ke nau to‘o talupite kotoa pē, mo ha nge‘esi sioki, pea mo e ngaahi tūhulu ‘i he loto sioki. 17Pea na‘a ne pehē kiate kinautolu, Mou sio kiate au, ‘o fa‘ifa‘itaki: pea ko eni, ka u ka a‘u atu ki he ngata‘anga ‘o e ‘apitanga, pea ‘ilonga ha me‘a te u fai, mou fai pehē foki. 18Pea ka u ka ifi talupite ‘e au, mo kinautolu ‘oku ‘iate au, pea mou ifi talupite foki kimoutolu mei he potu kehekehe, ‘o takatakai ki he ‘apitanga kotoa, pea mou kaila ‘o pehē, ‘A Sihova mo Kitione!"

Ne lotolahi mo lototo’a leva ‘a Kitione, ‘o hangē ko e me’a ne tala ki ai ‘e Sihova´, Naʻa ne fai leva ʻene lotu; pea ne foki ki he ʻapitanga ʻo Isileli, ʻo ne pehe, “Mou tuʻu, he kuo tuku ʻe Sihova ʻa e tau ʻa Mitiani´ ki homou nima´”. Naʻa ne vahevahe ʻa e toko tolungeau´ ki he kulupu ʻe tolu, pea naʻa ne tuku ke nau toʻo talupite kotoa pe, mo ha ngeʻesi sioki, pea mo e ngaahi tuhulu ʻi he loto sioki´. Pea ne tala, “Mou sio kiate au, ʻo faʻifaʻitaki: kau ka aʻu atu ki he ngataʻanga ʻo e ʻapitanga´, pea ʻilonga ha meʻa te u fai, mou fai pehē foki. Kau ka ifi talupite mo kinautolu ʻoku ʻiate au, pea mou ifi talupite foki kimoutolu pea mou kaila ʻo pehe, “ ʻA Sihova mo Kitione!”

Lotu: Lotu ‘o kole ki he ‘Otua´ ke Ne tokoni atu k eke ma’u e loto fakaongoongo mo talangofua ki ho’o matu’a´ mo ho’o kau taki´.

Pulelulu 26 Siulai, 2017

KO E ‘OTUA´ ‘OKU KAU MO AU

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:9-14

"9Pea ‘i he pō ko ia na‘e folofola mai ‘a e ‘Eiki kiate ia ‘o pehē, Tu‘u, ‘o ‘alu hifo ki he ‘apitanga tau; he kuo u tuku ia ki ho nima. 10Ka ‘o kapau ‘oku ke manavahē ke ‘alu hifo, ‘alu hifo mo ho‘o talavou ko Fiula; 11pea te ke fanongo ki he‘enau lau, pea hili ia ‘e mālohi ho nima ke hifo ki he ‘apitanga tau. Pea ne ‘alu hifo ai mo ‘ene talavou ko Fiula ki he ngata‘anga ‘o e kau to‘o mahafu na‘e ‘i he ‘apitanga. 12Pea ko e kau Mitiani mo e kau ‘Amaleki, mo e ngaahi ha‘a ‘Ālepea, na‘a nau fakaholo atu ‘i he fonua ‘i lalo, ‘o hangē ha he‘e honau tokolahi; pea ko e me‘a ki he‘enau fanga kāmeli na‘e ‘ikai malau, ‘ene hangē ko e ‘one‘one ‘i he matātahi hono lahi. 13Pea ‘i he a‘u atu ‘a Kitione, pea tā ‘oku fakamatala ‘e ha tangata ‘ene misi ki ha toko taha kehe, ‘o ne pehē, Siini, na‘a ku misi, pea tā ko ha keke mā pa‘ale na‘e teketeka hifo ki he ‘apitanga tau ‘o Mitiani, ‘o ne a‘u ki he Tēniti, ‘o taa‘i ia, pea holo, ‘o ne fulihi ia ke mafuli, pea tekefili ‘i lalo ‘a e Tēniti. 14Pea tali ‘e he taha, ‘o pehē, ‘Oku ‘ikai ko e me‘a kehe ia, ka ko e heletā ‘a Kitione ko e foha ‘o Soasi ko ha tangata ‘Isileli; kuo tuku ki hono nima ‘e ‘Elohimi ‘a Mitiani mo hono kotoa ‘o e hōsitē."

Ne 'alu po'uli hifo 'a Kitione mo 'ene sevāniti´ 'o asiasi ki he 'apitanga tau 'a Mitiani´ (he ko e fekau’i ‘e Sihova), pea na fanongo ki hono fakamatala 'e ha sōtia 'ene misi ki he sōtia 'e taha 'a ia na'a ne faka'uhinga 'a e misi´ 'e ikuna 'a Kitione. Na’e sio ‘a e sotia´ ki ha keke ma paale naʻe teketeka hifo ki he ʻapitangatau ʻo Mitiani, ʻo ne aʻu ki he Teniti, ʻo taaʻi ia, pea holo, ʻo ne fulihi ia ke mafuli, pea tekefili ʻi lalo ʻa e teniti´. Pea kuo tuku ki he nima ‘o Kitione´ ʻe ‘Elohimi ʻa Mitiani kotoa. Na’e mahino’i pe ‘e he ‘Otua´ ‘a e kei lotosi’i mo manavahē ‘a Kitione´, pea Ne fekau’i ai ke ‘alu ki he ‘apitanga tau ‘a Mitiani´, ke ne ma’u ai ‘a hono fakalotolahi´. ‘Otua ‘ofa mo faitotoka. Talangofua ki he Folofola ‘a e ‘Otua´ fānau, pea te ke lototo’a ke fononga mo Sihova

Lotu: Lotu ‘o kole fakamolemole ki he ‘Otua ho’o fa’a tātāla’a mo fa’a tuai ke falala ki he ‘Otua´.

Tusite 25 Siulai, 2017

HOLO MEI HE TOKO 3,200 KI HE TOKO 300 PĒ

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:3-8

"3Ka ko eni ke ke fanongonongo mu‘a ke ‘ilo ‘e he kakai, ‘o pehē, ‘Ilonga ha manavahē mo tailiili, ke ne foki ‘o fakatakamilo ‘i he mo‘unga ko Kiliati. Pea na‘e foki ai ha toko ua mano mā toko ua afe ‘o e kakai: pea ko e toko taha mano pē na‘e toe. 4Pea folofola ‘a e ‘Eiki kia Kitione, ‘Oku kei tokolahi fau ‘a e kakai: taki hifo kinautolu ki he vai, pea te u sivi kinautolu ma‘au, pea ‘ilonga ‘a ia te u lea ai kiate koe, ‘o pehē, Ko eni ‘e ‘alu mo koe, pea ‘e ‘alu ia mo koe; ka ka ‘ilonga ‘a kinautolu te u pehē ki ai, ‘E ‘ikai ‘alu ia mo koe, pea ‘e ‘ikai ‘alu ia. 5Ko ia na‘a ne taki hifo ‘a e kakai ki he vai: Pea folofola ‘a e ‘Eiki kia Kitione, ‘Ilonga ‘a ia ‘oku hepo ha me‘a mei he vai ‘aki hono ‘elelo, ‘o hangē ko e hepo ‘a ha kulī, te ke tukukehe ia: pehē foki ‘a kinautolu ‘oku tū‘ulutui ke inu. 6Pea ko e lau ‘o e kakai na‘e hepo ‘i he ‘ai honau nima ki honau ngutu ko e toko tolungeau; ka ko hono toe ‘o e kakai na‘a nau tū‘ulutui ke inu ‘a e vai. 7Pea folofola ‘a e ‘Eiki kia Kitione, Te u fakamo‘ui kimoutolu ‘aki ‘a e toko tolungeau na‘e hepo, pea te u tuku ‘a e kau Mitiani ki ho nima: ka ke ‘alu ‘a e kakai kotoa pē takitaha ki hono feitu‘u. 8Ko ia na‘a nau to‘o ‘a e ‘oho ‘o e kakai, pea mo ‘enau ngaahi talupite, ka ne tukuange ‘a e kakai ‘Isileli kotoa ke ‘alu takitaha ki hono tēniti; ka ne ta‘ofi mai ‘a e toko tolungeau pē: pea ko e ‘apitanga ‘o Mitiani na‘e tu‘u mai mei he fonua ‘i lalo."

Ne fekau’i he ‘Otua´ ‘a Kitione ke tala kiate ia kotoa pē 'oku ilifia ke ne foki ki ‘api; koi a ne foki ai 'a e took 22,000 mei Mo'unga Kiliati kae toe ‘a e toko 10,000. Na’e kei tokolahi pe ia kia Sihova. Koi a na’a Ne to e fekau’i ‘a Kitione ke taki ‘a e took 10,000 ‘o fakainu he vai: toko 9,700 na'e tu'ulu tui 'o inu pea na'e fekau ke nau foki ki 'api; 300 na'e hepo mei honau nima´, ko ia na'e fili kinautolu ke nau fai 'a e tau´. Fānau, ‘oku ‘ikai ke tu’u ‘a e ngāue ia ‘a e ‘Otua´ he tokolahi pe tokosi’i. ‘Oku ‘ikai tu’u ia he kau mata’itohi pe ko e lotu fuoloa. ‘Oku tu’u pe ia he Laumālie ‘o e ‘Otua´, ‘o hangē ko ia ‘oku ‘omi he’etau veesi lauloto´. Hono ‘ikai mahu’inga ke tau nofoma’u ‘ia kalaisi.

Lotu: Lotu ‘o kole ki he ‘Eiki´ ke Ne tokoni atu ke fakatalatala meiate koe ‘a e falala ki ha to e me’a, ka ko Sīsū pē.

Monite 24 Siulai, 2017

TUKU KE E’A TOKOTAHA PE ‘A SIHOVA

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Fakamaau 7:1-2

"1PEA, ko Selupeali (‘a ia ko Kitione) pea mo e kakai kotoa na‘e ‘iate ia, na‘a nau tu‘u hengihengi hake, ‘o nau fokotu‘u tēniti ofi ki he vai ko Hāloti: pea ko e ‘apitanga ‘o Mitiani na‘e tu‘u mai mei he tokelau, mei he mo‘unga ‘o Mole ‘i he fonua ‘i lalo. 2Pea folofola ‘a e ‘Eiki kia Kitione, ‘o pehē, Ko e kakai ‘oku ‘iate koe ‘oku tokolahi fau ke u tuku ai ‘a Mitiani ki honau nima; na‘a pōlepole ‘a ‘Isileli kiate au, ‘o pehē, Ko hoku nima ni kuo ne fakamo‘ui au."

Ne to e folofola ʻa Sihova kia Kitione, ʻo pehē, “‘Oku fu’u tokolahi fau ho’o kau sōtia´ ke lava ke U tuku atu ai ʻa Mitiani ki homou nima´; pea telia naʻa pōlepole ʻa Isileli ʻo pehē na’e tupu ha’anau ikuna mei he tokolahi ‘a e kau sōtia´, ko ia ai te ke fakatokosi’i ho’o kau sōtia´, ke sio ai ‘a Mitiani pea mo ‘Isileli pē foki he māfimafi ‘o Sihova´. Ko e koloa´ mo e tu’umālie´ ‘oku na fa’a takihee’i kitautolu ke tau pehē ‘oku tau lava pē ‘e kitautolu ‘ia kitautolu ‘o fai ha fa’ahinga me’a pē, koe’uhi´ he ‘oku tau ma’u ē mo ē. Mahu’inga ke to’o hotau mata´ meiate kitautolu mo ha fa’ahinga me’a pē he mamani´ ‘o ‘ai kakato ‘etau falala´ he ‘Otua´ tokotaha pē. Pea te tau ikuna leva ha fa’ahinga ta’au pē.

Lotu: Kole ki he ‘Otua´ ke Ne tokoni’i koe k e ke falala ‘Otua ma’u pē ‘i ho’o ako´, ‘i he sivi´, pehē ki ha ngaahi fe’auhi te ke kau ki ai.

Sapate 23 Siulai, 2017

KO SIHOVA ‘OKU TU’U AI ‘ETAU ME’A KOTOA PĒ´

Veesi Lauloto: Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

Sakalaia 4:6

"Pea tali ʻe ia, ʻo ne folofola mai, ʻo ne pehē, “Ko e folofola ‘ena ʻa Sihova kia Seluipēpeli, ke fakahā, ʻOku ʻikai tuʻu ʻi he ivi, pea ʻoku ʻikai tuʻu ʻi he ngū, ka ko Hoku Laumālie´ pē — ko e folofola ia ʻa Sihova Sāpaoti."

‘Oku fakamanatu mai he’etau veesi lauloto ki he uike ni´, ko e mo’ui´ mo e ikuna´ ‘oku ʻikai tuʻu ia ʻi he ivi, pea ʻoku ʻikai tuʻu ʻi he ngū, ka ko e Laumālie´ pē — ko e folofola ia ʻa Sihova Sāpaoti. Ko e Laumālie pē ‘o e ‘Otua´ te tau lava ke ikuna’i ai hotau ngaahi fili´, te tau lava ‘o lava me’a mo ma’u ola lelei mo fua lelei ai ‘i ha fa’ahinga ‘elia pe ‘oku tau ngaue ai. Fānau, manatu’i ‘i he lolotonga ‘etau fononga ni ko e fānau ‘a e ‘Otua´, fakapapau’i leva ‘oku ‘ikai ke ke to e falala ki hao ivi pe poto pe taukei. Falala pe ki he ‘Otua´, pea fai ai pe ho’o ako´ mo ha to e me’a pe ‘i he ivi ‘o e Laumalie Ma’oni’oni´ ‘iate koe.

Lotu: Lotu ki he ‘Otua´ ke Ne fakatonutonu ho’o mo’ui´, kapau ‘oku ke falala koe ki ha taha, pe ko hao poto pe ivi.

Tokonaki 22 Siulai, 2017

KOLE FAKA'ILONGA

Veesi Lauloto: 'Aisea 12:2

"Vakai, ko hoku Fakamoʻuiʻanga´ ʻa ‘Ela; te u falala pē, ʻo ʻikai te u manavahēa:
He ko hoku Mālohinga´ mo ʻeku Taʻanga´ ʻa IAA´ SIHOVA;
Pea kuo Ne hoko ko hoku Fakamoʻuiʻanga."

Fakamaau 6:36-40

"36Pea fakatau folofola ‘a Kitione kia ‘Elohimi, Kapau ko ho‘o fai ke fakahaofi ‘a ‘Isileli ‘aki hoku nima, ‘o hangē ko ho‘o me‘a, ko eni, te u tuku ha fulufulu‘i sipi ki he mala‘e uite; 37kapau ‘e hausia ‘a e fulufulu‘i sipi pē, kae mātu‘u ‘a e kelekele kotoa, pea te u toki ‘ilo ai te ke fakamo‘ui ‘a ha‘a ‘Isileli ‘aki hoku nima, ‘o hangē ko ho‘o me‘a. 38Pea na‘e pehē; he na‘a ne tu‘u hengihengi hake, ‘o ne kuku ‘a e fulufulu‘i sipi, ‘o ne tatau mei ai ‘a e hahau, pea fonu ha tisi ‘i he vai. 39Pea fakatau folofola ‘a Kitione kia ‘Elohimi, Ke ‘oua na‘a tuputāmaki ‘a e ‘Afiona kiate au, he ko ‘eku lea tātu‘otaha pē ‘eni; ka u sivi mu‘a ‘aki ‘a e fulufulu‘i sipi, ‘o tātu‘otaha pea ngata. Ke mōmoa mu‘a ‘a e fulufulu‘i sipi pē, kae hausia ‘a e kelekele kotoa. 40Pea na‘e fai pehē ‘e he ‘Otua ‘i he pō ko ia: he ko e fulufulu‘i sipi pē na‘e mōmoa, kae ‘i he funga kelekele kotoa ‘a e hahau."

Na’e to e kole pe ‘e Kitione ha faka’ilonga tu’o ua mei he ‘Otua´, he na’a ne kei veiveiua pe. Na’a ne kei sio pe ia kiate ia mo hono poto´ mo hono ivi´, pehē ki he fu’u kaukaua ‘o ha’a Mitiani´, ‘o tupunga ai ‘ene kei lotosi’i mo manavahē´. Ko e fakasio faka’ilonga mo e faimana´ ‘oku ne fakahaa’i mai ‘a e mo’ui ta’etui. ‘Oku te tō’ohi ai ke te fei mo talangofua ki he ngaahi tu’utu’uni ‘a e ‘Otua´. ‘I he ngaahi ‘aho ni, ko e tataki he ‘Otua´ kitautolu´ ‘oku fou mai He’ene Folofola´ mo Hono Laumālie Mā’oni’oni´. Ka ‘oku ke fiema’u e finangalo ‘o e ‘Otua´, lau mo fa’ala e Folofola´. ‘Ouae e kumi faka’ilonga mo mana, ka ke ako e Folofola´ (2Timote 3:16-17). Ko e poto faka-’Otua´ ‘oku ‘ikai ma’u ia he faimana´, ma’u pe ia he mo’ui fa’a lotu mo mo’ui ‘aki e Folofola´.

Lotu: Kole ki he ‘Otua´ ke fakafonu ho loto´ ‘aki ‘a e tui mālohi ki he ‘Otua´, pea ke fa’ofale Hono Laumalie´ ‘iate koe ma’upe.

Falaite 21 Siulai, 2017

LOTOTO'A 'A KITIONE

Veesi Lauloto: 'Aisea 12:2

"Vakai, ko hoku Fakamoʻuiʻanga´ ʻa ‘Ela; te u falala pē, ʻo ʻikai te u manavahēa:
He ko hoku Mālohinga´ mo ʻeku Taʻanga´ ʻa IAA´ SIHOVA;
Pea kuo Ne hoko ko hoku Fakamoʻuiʻanga."

Fakamaau 6:33-35

"33Pea fakatahataha ‘a Mitiani kātoa mo e kau ‘Amaleki, mo e ngaahi ha‘a ‘Ālepea, ‘o nau a‘a mai, ‘e fokotu‘u tēniti mei he potu fonua ‘i lalo ‘o Sisilili. 34Ka ko e Laumālie ‘o Sihova na‘e kofu ‘aki ‘a Kitione, pea ne ifi ‘a e talupite; pea na‘e fakataha mai ‘a ‘Apiesa, ‘o muimui kiate ia. 35Pea ne tuku atu ha kau talafekau ki ha‘a Manase kātoa, pea na‘e fakataha mai mo kinautolu ‘o muimui kiate ia: pea ne tuku atu ha kau talafekau kia ‘Āseli mo Sepulone mo Nafitalai, pea na‘a nau ‘alu hake ke fakafetaulaki kiate kinautolu."

Pea fakatahataha ʻa e kau tau 'a Mitiani´ kātoa ʻo fokotuʻu tēniti mei he potu fonua ʻi lalo ʻo Sisilili´. Ka ko e Laumālie ʻo Sihova´ naʻe fakakofuʻaki ʻa Kitione, pea ne ifi ʻa e talupite´; kae fakataha mai 'ene kau tau´, ʻo muimui kiate ia. Na'e uki leva 'e Kitione 'ene fu'u kau tau´ mei he kotoa 'o ha'a Manase´, pehē ki ha'a 'Aseli mo ha'a Sepulone pehē ki ha'a Nafitalai, pea naʻa nau ʻalu hake ke fakafetaulaki ki he kau Mitiani´. Ko 'ete lototo'a ke talangofua ki he 'Otua´ fānau, 'oku lava ai ke te fehangahangai mo hoto ngaahi fili´ 'o 'ikai ke te manavahē, he ko e 'Otua´ ia 'oku Ne tau ma'ata´

Lotu: : Fakamālō ki he ‘Otua´ He’ene ‘ofa tuli-mui mai kiate kitautolu´, He’ene finangalo ke tau mo’ui.

Tu'apulelulu 20 Siulai, 2017

‘OKU TAHA PĒ ‘A E ‘OTUA´ - KO SIHOVA PĒ.

Veesi Lauloto: 'Aisea 12:2

"Vakai, ko hoku Fakamoʻuiʻanga´ ʻa ‘Ela; te u falala pē, ʻo ʻikai te u manavahēa:
He ko hoku Mālohinga´ mo ʻeku Taʻanga´ ʻa IAA´ SIHOVA;
Pea kuo Ne hoko ko hoku Fakamoʻuiʻanga."

Fakamaau 6:24-32

"24‘e ‘ikai te ke mate. Pea fokotu‘u ‘e Kitione ‘i he potu ko ia ha ‘ōlita ki he ‘Eiki, ‘o ne fakahingoa ia ko Sihova-Sālome (ko Sihova-ko-e-melino): ‘oku kei tu‘u ia ‘o a‘u ki he ‘aho ni ‘i ‘Ōfila ‘a ia ‘oku kau ki ha‘a ‘Apiesa. 25Pea ‘i he pō ko ia na‘e folofola ‘a e ‘Eiki kiate ia, ‘Ave ‘a e pulu mui ‘a ho‘o ‘eiki, pea mo hono ua ‘o e pulu ‘oku fitu ta‘u, pea holoki ‘a e ‘ōlita ‘o Peali, ‘a ia ‘oku ‘a ho‘o tangata‘eiki, pea tā ‘a e ‘āsela ‘oku tu‘u ai; 26pea te ke fokotu‘u ha ‘ōlita kia Sihova ko ho ‘Otua ‘i he funga ‘o e talitau‘anga ni ‘aki ‘a e me‘a kuo ‘osi teu; pea ke to‘o hono ua ‘o e pulu, ‘o fai‘aki ha feilaulau-mōifua, ‘o tutu ‘aki ‘a e ‘akau ‘o e ‘āsela ‘a ia kuo ke tā. 27Pea ‘ave ‘e Kitione ha toko hongofulu ‘o ‘ene kau tamaio‘eiki, ‘o ne fai ‘o hangē ko e me‘a ‘a e ‘Eiki kiate ia: pea ko e me‘a ‘i he‘ene manavahē ki he fale ‘o ‘ene tamai, pea mo e kau tangata ‘o e kolo, na‘e ‘ikai te ne lava ke fai ‘aho, ka na‘a ne toki fai po‘uli. 28Pea ‘i he ‘ā hengihengi ‘a e kau tangata ‘i he kolo tā kuo holoki ‘a e ‘ōlita ‘o Peali, pea kuo tā ‘a e ngaahi keke ta‘elēvani ‘aki ha efa ‘āsela na‘e tu‘u ai, pea ko hono ua ‘o e pulu kuo feilaulau ‘aki ‘i he ‘ōlita kuo fokotu‘u. 29Pea nau fepehē‘aki, Ko hai tū kuo ne fai eni? Pea ‘i he‘enau fakatotolo mo ‘eke, na‘e tala, Ko Kitione ko e foha ‘o Soasi na‘a ne fai ‘a e me‘a ko ia. 30Pea pehē ‘a e kau tangata ‘o e kolo kia Soasi, ‘Omi ho foha kitu‘a ke ne mate; koe‘uhi kuo ne holoki ‘a e ‘ōlita ‘o Peali, pea kuo ne tā ‘a e ‘āsela na‘e tu‘u ai. 31Pea lea ‘a Soasi kiate kinautolu kotoa pē na‘e tu‘u mai kiate ia, Te mou taukapo‘i ‘a Peali, ‘e kimoutolu? pea te mou fakahaofi ia? Ko ia te ne taukapo‘i ia ke ne mate pē kei pongipongi. Kapau ko e ‘otua ia, tuku ke ne taukapo‘i ia ‘e ia, he kuo ne holoki hono ‘ōlita. 32Ko ia na‘e fakahingoa ia ‘i he ‘aho ko ē ko Selupeali (ko Taukapo‘i-‘e-Peali) he‘ene pehē, Ke talatalaaki‘i ia ‘e Peali, he kuo ne holoki hono ‘ōlita."

Na‟e fokotuʻu ʻe Kitione ʻi he potu ko ia´ ha 'olita ki he ʻEiki´, ʻo ne fakahingoa ia ko Sihova Salome (ko Sihova ko e Melino): ʻoku kei tuʻu ia ʻo aʻu ki he ʻaho ni. Pea folofola ʻa e ʻEiki´ kiate ia ke ne holoki 'a e 'olita kia Peali ne fa'a lotu ai 'ene tamai´, pea ke ne langa ai ha 'olita kia Sihova, pea ke ne fai ai ha feilaulau-mōifua kia Sihova. Pea ʻave ʻe Kitione ha toko 10 ʻo ene kau tamaioʻeiki´, ʻo ne fai ʻo hangē ko e meʻa ʻa e ʻEiki´ kiate ia´: ka na'a ne manavahē ki heʻene tamai´ mo e kau tangata ʻo e kolo´, naʻe ʻikai te ne lava ke fai ʻaho, ka naʻa ne toki holoki poʻuli. 'I he'ene 'aho hake´ 'o 'ilo ki ai he kau tangata 'o e kolo´, na'a nau fekumi 'o 'ilo ko Kitione. Na'a nau 'alu atu ke tamate'i ia, ka na'e malu'i pe 'a Kitione he'ene tamai´, 'a Soasi.

Lotu: Kole ki he ‘Otua´ ke Ne tokoni’i koe ke ke lototo’a he fakamo’oni Ma’ana´ he taimi kotoa pē.